بعد نجاح مهرجان جدة التاريخية بشعار " كنا كدا " السابقتم تدشين فعاليات خاصة برمضان بأسم " رمضاننا كدا " و كمان فعاليات خاصة بالعيد "عيدنا كدا", بالنسبة لفعاليات " رمضاننا كدا " بدأت من 1 رمضان حتى يوم 19و فعاليات "عيدنا كدا" راح تبدأ من 25 رمضان حتى 4 شوالوراح تكون متضمنة اشياء مختلفه و الفلكلور الشعبي وعروض مسرحية .
بسم الله الرحمن الرحيم
السلام عليكم ورحمة الله وبركاته
مسائكم / صباحكم
[ سُكرّ ]
التدوينة المره هذه راح تكون غير و بدون تجهيز مسبق لكن حبيت انزلها عشان تروحوا تستمتعوا بالأجواء الجميلة جداً
و حتى الي فاتوا مهرجان " رمضاننا كدا "
يقدر يعوض بالمهرجان الجاي "عيدنا كدا" و جايتكم بالتفاصيل اكيد
اول شيء تعريف بسيط عن مهرجان و فعاليات المنطقة التاريخية بجدة :
بعد نجاح مهرجان جدة التاريخية بشعار " كنا كدا " السابق
تم تدشين فعاليات خاصة برمضان بأسم " رمضاننا كدا " و كمان فعاليات خاصة بالعيد "عيدنا كدا"
, بالنسبة لفعاليات " رمضاننا كدا " بدأت من 1 رمضان حتى يوم 19
و فعاليات "عيدنا كدا" راح تبدأ من 25 رمضان حتى 4 شوال
وراح تكون متضمنة اشياء مختلفه و الفلكلور الشعبي وعروض مسرحية .
و هذا حسابهم الرسمي في الانستغرام + موقعهم
عشان تعرفوا تفاصيل اكثر و اخر الاخبار :
http://historicjeddah.com
http://instagram.com/historicjeddah
المكان بالمنطقة التاريخية بجدة بوسط البلد
, تقريباً من الساعه 9 يبدأو يستقبلوا الزوار الى ساعة 2 الفجر
, ماشاءالله رغم الزحمة بس كان في تنظيم و ترتيب و الجولة تقريباً فيها مسارين فقط
" مسار حارة الشام + مسار حارة اليمن "
’ راح انبه ع هرجه المسارين منفصلين يعني في ناس زارت الاثنين و احنا منهم
و ناس حبت مسار واحد الي هوا مسار الشام لأن فيه اغلب الاشياء
و راح اذكر كل مسار ايش فيه تقريباً :
[ مسار الشام ] :
هي الي فيها اغلب الحاجات من الفعاليات , سوق زمان , المصوراتي
, المطاعم الصغيرة , البسطات , القهاوي .
[ مسار اليمن ] :
فيها مقعد جدة و ايامنا الحلوة , الحكواتي
, السوق الشعبي الموجود من زمان يعني مالوا علاقة بالمهرجان
تقريبا السوق كله اقمشة و حلويات .
طبعا في فعاليات متحركة يعني بتلف على كل المسارين .. الفعاليات هي :
الحكواتي , المسحراتي , بابا فرحان , عربيات الشربيت .
’ على فكرة مسار الشام تمشوا مرا وحدة و تخرجوا على المخرج
هناك فيه جلسات قبل المخرج يعني عشان الزحمة و التنظيم
ماراح تقدروا تحطوا خيار تتمشوا بعدين ترجعوا للمدخل ثاني مره
, يعني بصراحة انا عجبتني الحركة هذه لان فعلا الممرات تتحمل مسار باتجاه واحد فقط
, و الي مايحب الزحمة يلحق من بدري عشان بس تبدأ الزحمة يكون خارج خلاص .
على أي حال كانت جولتي موفقة لدرجة فعلياً حسيت برمضان بعد مازرت المنطقة التاريخية
, المكان عائلي جداً حتى الي اطفاله او اهله مايحبوا الاشياء التراثية
صدقوني الكل راح ينبسط باذن لله
و صح فيه شباب لكن الدنيا منظمة و مافي لعبكة ان شاءالله
و المكان زي ماقلت مرا منظم ومرتب رغم الزحمة و الحر حبتين بس انبسطنا جداً
الشيء الي عجبني بخصوص التنظيم ان حاطين استعلامات و مرشدين عند بداية كل مسار
في حال عندكم سؤال او توجيه للمسار بشكل صحيح
و تقدروا تاخدوا نسختكم للمسارات للاحتياط
و حقيقي لايفوتكم خصوصاً الاطباق الشعبية الشهية الي اتعمد كل مانزلت البلد اكلها
" البليلة , الكبدة , المطبق , النفيش " شيء لزيز بحق و اعتقد اهل جدة يوافقوني الرأي !
’ لو تبوا رأيي بخصوص المواصلات و تقدروا تجوا بتاكسي
يكون افضل لكم من زحمة الشارع بالسيارات خصوصا ناحية المنطقة التاريخية
و مافي خوف وقت الرجعة مليان تكاسي هناك برضك
مادري حبيت اقول النقطة هذه لان حسيتها مهمه للناس الي تكره عك زحمة السيارات .
انا اتعمدت ماحط الصور الأ بالأخير عشان مايضيع مع الكلام خصوصا
ان الصور كثير حاولت اغطي الي اقدر عليه بالصور
عشان حتى الي مايقدر يجي يرضي فضولوا ان شاءالله .
يلا نبدأ جولتنا الجميلة :
( الصور كثيرة اصبروا عليها تتحمل أو تقدروا تتصفحوا من الاب توب او التابلت )
|[ ســوق زمــان ]|
|[ حارة الشام ]|
|[ حارة اليمن ]|
|[ مقعد جدة و ايامنا الحلوة ]|
ان شاءالله يكون استمتعتوا و حمسكم تشوفوا بنفسكم جدة التاريخية
و اكيد رايكم مهم ليا , لو رحتوا ايش انطباعكم ؟! و مين نفسوا يروحوا ؟؟
تابعوني على | Follow Me :
No comments
Post a Comment